النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار ..
تشيكن ستربس :
ستربس الدجاج :
الطريقة :
هنجيب صدر فرخه وهنقسمه بالطول على شريحتين هيكونوا سميكين طبعا بعد كده هنقطعها صوابع ونتبلها ب ملح وفلفل اسود وشطة وبهارات فراخ وسماق بصل بودر وقرفة بسيط وزنجبيل وحبهان بودرة وبيضة كمان ونقلب كل ده على اصابع الفراخ ونسيبها فى التتبيله ساعتين
بعد كده هنجيب طبق فيه خليط عبارة عن كوب بقسماط مطحون عليه كوب دقيق وملح وفلفل بسيط
وناخد الفراخ من التتبيله نعفرها بالبقسماط والدقيق دول
بعدين نجيب طبق فيه بيضة وربع كوب لبن مضروبين مع بعض نحط فية الفراخ بعد ما اتعفرت ونكون عندنا طبق تانى فيه كورن فليكس مطحون نص طحنه نطلع الفراخ من البيض واللبن نحطها فى الكورن فليكس تاخد طبقة مقرمشه وبعدين نعفرها تانى دقيق وبقسماط
ولما نخلص كل الكميه نكون رصينها فى صنيه مفرودين مش فوق بعض نسيبها فى التلاجه ربع ساعه وبعدها نقليها فى زيت سخن وغزير
والف هنا ..
تعليقات
إرسال تعليق